La 5 plej bonaj video-serioj por lerni Esperanton

Mi serĉis, mi rigardis kaj mi zorge konsideris multajn videojn por pretigi tiun ĉi liston. Kaj jen finfine por vi la listo de la plej bonaj video-serioj per kiuj oni povas plibonigi (aŭ eklerni!) sian Esperanton, ordigitaj ekde la malplej bona ĝis la plej bona.

Kiel kutime, vi povas legi etan priskribon de la serio sube de ĉiu video, kune kun mian opinion pri ĝi.

5. Ana Pana

Kio estas ĝi: Ĝi estas la videa versio de la malnova baza kurso de Lernu.net “Ana Pana”.

Lingvo: Esperanto, kun subtitoloj en 13 lingvoj.

Kion mi opinias pri ĝi: Ĝi estas bone farita serio, kvankam mi honeste preferas la originalan version, kiun mi konsideras pli utila. Tamen, tiu ĉi versio certe estas rigardinda.

4. Esperanto Lesson

Kio estas ĝi: Simpla kurso de Esperanto, kiu uzas bildojn por instrui bazajn konceptojn de la lingvo.

Lingvo: Angla.

Kion mi opinias pri ĝi: Tiu ĉi estas klara kaj bone farita kurso. La unua leciono estas perfekta por lerni la prononcon de la Esperanta alfabeto, ĉefe se la Angla estas via denaska lingvo.

3. Pasporto al la tuta mondo

Kio estas ĝi: Jen la dua klasika kurso ene la listo. Tiŭ ĉi filmo ne estas aktuala, tamen ĝi ankoraŭ tre utilas, kaj por la komencantoj kaj por tiuj, kiuj jam povas paroli iom da Esperanto. La nura problemo estas, ke por ĝui de la kurso oni devas posedi la dvdan version, en kiu oni povas trovi la studlibron de la kurso. Oni povas aĉeti ĝin ĉi tie (sed ne nur): http://katalogo.uea.org/katalogo.php?inf=5743

Lingvo: Esperanto je la youtuba versio; Esperanto kun subtitoloj en multaj lingvoj je la dvda versio.

Kion mi opinias pri ĝi: Mi ne faris tiun ĉi kurson, sed oni diras, ke ĝi estas bone farita. Se vi volas studi Esperanton per videokurso, tiu ĉi certe estas bona ebleco.

2. World of Warcraft Esperanto Lesson

Kio estas ĝi: Tiu ĉi estas kurso de Esperanto per videoludado, kreita de la fama aŭstralia Esperantisto kaj youtubisto Evildea. Gxi instruas la bazajn principojn de la lingvo amuzmaniere.

Lingvo: Angla.

Kion mi opinias pri ĝi: Eble tiu ĉi kurso ne estas tiel utila kiel la aliaj, sed se vi ŝatas videoludojn kaj vi volas lerni Esperanton, vi simple ne havas alian eblecon. Kompreneble ekzistas aliaj kanaloj pri videoludoj en Esperanto, sed tiu ĉi diferencas ĉar ĝi estas vera kurso (jes ja, mi tre ŝatas ĝin)!

1.Mazi en Gondolando

Kio estas ĝi: Ĝi estas kurso de Esperanto, kaj ĝi samtempe estas kartuno!

Lingvo: Esperanto.

Kion mi opinias pri ĝi: Mazi en Gondolando estas kaj aspektas malnove, sed kredu al mi: ĝi estas vere bone farita kaj ege utila. Kaj ĝi ankaŭ estas bonega por la infanoj! Sendube la plej utila kurso de la listo.

Advertisements

La 5 plej bonaj videoj por prezenti Esperanton al iu

5 bonegaj videoj por prezenti Esperanton al iu ajn

Jen utilajn videojn kiujn vi povas uzi por prezenti la lingvon Esperanton al iu ajn, kaj eĉ por respondi la demandon: kio estas Esperanto? (aŭ eble la plej komunaj “Esp…Kio?!” kaj la ege terura “Ho, mi konas ĝin. Ĝi estingiĝis dum la pasinta jarcento, ĉu ne?”).

Mi ne selektis videojn en Esperanto ĉar ili ne utilus kiel enkonduko por tiuj, kiuj ne ankoraŭ parolas ĝin. La videoj estas ordigitaj ekde la malplej bona ĝis la plej bona, laŭ mia opinio. Malsupre de ĉiu video vi ankaŭ trovos unu etan recenzon de ĝi. Bonan legon/vizion!

5. The most successful made-up language

Kio estas ĝi: aŭstralia video kiu prezentas la lingvon Esperanton, enfokusigante je la aŭstralia movado. La fama esperantisto Evildea partoprenas en la video.

Lingvo de la video: Angla.

Kion mi opinias pri ĝi: ĝi estas bona video, sed mi ne uzus ĝin kiel unua enkonduko je Esperanto, escepte se vi loĝas en Aŭstralio.

4. Esperanto estas

Kio estas ĝi: “Esperanto estas” estas serio da 7 videoj kiu temas pri la lingvo Esperanto: ĝia origino, ĝia evoluo kaj ĝia aktuala uzado, kaj eĉ ĝia ebla estonteco.

Lingvo de la video: 10 lingvoj (inklusive de Esperanto kaj de la Angla).

Kion mi opinias pri ĝi: “Esperanto estas” estas bona serio sed ne perfekta. La rakontanta voĉo de la esperanta versio sonas iom artefaritan, kaj pro tio mi konsilas vidi ĝin en la aliaj lingvoj. Aliflanke, la serio bone klarigas la ĉefajn karakterizojn de la lingvo kaj de la movado, kvankam ĝi ne temu pri la plej freŝdataj novaĵoj (ekzemple la nasko de la duolingvo-kurso). Sed tio estas kompreneble, ĉar la filmo estis lanĉita en 2008 :).

3. 9 reasons to learn Esperanto

Kio estas ĝi: ne-esperantista virino prezentas Esperanton al ni kaj donas al ni 9 bonegajn kialojn por lerni ĝin.

Lingvo de la video: Angla.

Kion mi opinias pri ĝi: la homoj tre ŝatas listojn en la videoj, ĉar ili normale estas klaraj manieroj por prezenti aŭ klarigi ion: tiu ĉi bela video sendube estas konfirmo de ĝi.

2. Esperanto – Building a language bridge

Kio ĝi estas: tiu ĉi video eksplikas simplamaniere kio estas Esperanto kaj kial ĝi utilas dum la ĉiutaga komunikado.

Lingvo de la video: Angla.

Kion mi opinias pri ĝi: kvankam ĝi estas mallonga videeto, ĝi estas tre bone farita. Ĝi eĉ temas pri kelkaj gramatikaj karakterizoj de Esperanto, montrante kial estas tiel facile lerni ĝin. Vere tre konsilinda video por prezenti Esperanton al iun ajn.

1. The language challenge, by Claude Piron

Kio ĝi estas: en tiu ĉi video Claude Piron eksplikas la kialojn pro kiujn Esperanto estus (kaj fakte estas) pli bona internacia lingvo ol la Angla. Claude Piron estis tradukisto, psikologo kaj fama esperantisto.

Lingvo de la video: Angla.

Kion mi opinias pri ĝi: Ĉi tiu video estas laŭ mia opinio la plej bona video-prezento de la lingvo Esperanto kion oni povu trovi rete.